لقاء صحفي مع بتول محسن غدير في برنامج " رواد الأعمال السوريين مع راديو الاقتصاديين " - الحلقة (1)
برنامجنا الأسبوعي " رواد الأعمال السوريين مع راديو الاقتصاديين " الحلقة الأولى مع ابنة اللاذقية و تشرين " بتول محسن غدير "
لأنو الكل بيصفق للي وصل وخلّص، راديو الاقتصاديين بيدعم وبيصفق كل حدا خطى أولى خطواته على طريق الريادة والنجاح لهيك منبدأ حلقتنا بالسلام والترحيب بكم أعزائنا متابعي راديو الاقتصاديين أينما كنتم في سوريا وخارجها مع برنامجنا الأسبوعي " رواد الأعمال السوريين مع راديو الاقتصاديين" والحلقة الأولى مع انسانة طموحة وحالمة ، شغوفة ومبدعة ، و يحق لها ولنا أن نطلق عليها لقب رائدة أعمال من عروس الساحل السوري مدينة اللاذقية " بتول محسن غدير " خريجة قسم التسويق من كلية الاقتصاد - جامعة تشرين العريقة عام 2015 م و هي الآن في السنة الثانية من مرحلة الماجستير " الدراسات العليا في التسويق الالكتروني " وانطلاقاً من غايتنا بدعم المواهب الشابة السورية خصوصاً قمنا بإجراء مقابلة صحفية معها كالتالي:
1- حدثينا بتول عن مشروعك الريادي الحالي و الفكرة التي انطلقتي منها … وهل لديكِ شركاء ؟=============================================
مشروعي الحالي هو عبارة عن وكالة تسويق وتصميم، MINTS Creative Agency، كانت الفكرة عبارة عن حلم من أيام الدراسة والشغف بالتسويق، بعدين صارت مشاركة بيني وبين "سارة ياسر حبيب" يلي هي شريك مؤسس بالوكالة كمان.. مغامرة كبيرة أنه تطلق هيك مشروع ويكون الأول من نوعه بمحافظة اللاذقية، بس الاندهاش الأجمل أنه دراستك للسوق قبل الانطلاقة تكون قريبة للواقع بإيجابياتها، وعم يبلش يكون في للوكالة زبائن رغم ما إلها متأسسة إلّا شهرين وشوي.. ولنحكي عن MINTS أكتر، منقدم باقة خدمات متنوعة بمجال التسويق (بحوث تسويق، حملات ترويجية، أونلاين أو أوفلاين، خطط تسويقية، إيفينت ماركيتينغ، إدارة المحتوى وإدارة صفحات ومواقع التواصل الاجتماعي، استشارات تسويقية بأنواعها) وبمجال التصميم (تصميم اللوغو، تحديث اللوغو، هوية بصرية كاملة للبراند، مطبوعات بأنوعها، مواد ترويجية، وتغليف...) وطبعاً باقة الخدمات بيتم تقديمها للشركات والمؤسسات والأفراد -أصحاب الأعمال الحرة... عم نسعى ليكون شعار الوكالة (Your Green Card) أكتر من شعار! وعنا إيمان أنو الشغل الاحترافي والتخصّصي والإبداعي يلي بيمتلكه فريق عملنا بيضمن لأي زبون أنو تكون MINTS Creative Agency هي الورقة الرابحة لعمله .
1- حدثينا بتول عن مشروعك الريادي الحالي و الفكرة التي انطلقتي منها … وهل لديكِ شركاء ؟=============================================
مشروعي الحالي هو عبارة عن وكالة تسويق وتصميم، MINTS Creative Agency، كانت الفكرة عبارة عن حلم من أيام الدراسة والشغف بالتسويق، بعدين صارت مشاركة بيني وبين "سارة ياسر حبيب" يلي هي شريك مؤسس بالوكالة كمان.. مغامرة كبيرة أنه تطلق هيك مشروع ويكون الأول من نوعه بمحافظة اللاذقية، بس الاندهاش الأجمل أنه دراستك للسوق قبل الانطلاقة تكون قريبة للواقع بإيجابياتها، وعم يبلش يكون في للوكالة زبائن رغم ما إلها متأسسة إلّا شهرين وشوي.. ولنحكي عن MINTS أكتر، منقدم باقة خدمات متنوعة بمجال التسويق (بحوث تسويق، حملات ترويجية، أونلاين أو أوفلاين، خطط تسويقية، إيفينت ماركيتينغ، إدارة المحتوى وإدارة صفحات ومواقع التواصل الاجتماعي، استشارات تسويقية بأنواعها) وبمجال التصميم (تصميم اللوغو، تحديث اللوغو، هوية بصرية كاملة للبراند، مطبوعات بأنوعها، مواد ترويجية، وتغليف...) وطبعاً باقة الخدمات بيتم تقديمها للشركات والمؤسسات والأفراد -أصحاب الأعمال الحرة... عم نسعى ليكون شعار الوكالة (Your Green Card) أكتر من شعار! وعنا إيمان أنو الشغل الاحترافي والتخصّصي والإبداعي يلي بيمتلكه فريق عملنا بيضمن لأي زبون أنو تكون MINTS Creative Agency هي الورقة الرابحة لعمله .
2- من دعم بتول لإنجاز هذه الخطوة الهامة والفارقة في حياتها المهنية ؟========================================
بأيّ عمل كبير أو صغير، ما فيك تمشي فيه بدون دعم المحبين حولك، وبيختلف نوع كلمة "الدعم" باختلاف طريقة الدعم، في مين دعمنا بمشروع مينتس بالمحبة والصبر والنصيحة والثقة بإنو نعمل شي على قد طموحنا ويلي هنن أهلنا وعيلتنا أنا وسارة، وفي مين دعمنا مهنياً متل الأستاذ حسان الخطيب مؤسس شركة أورجوان للاستشارات والحلول البرمجية، وفي الأشخاص يلي عم يمشوا معنا من أول المشروع ويتحملوا عناء البداية متل ولاء خليل (بفريق التسويق) والفوتوغرافر علي ابراهيم وباقي فريق العمل يلي بيشكّل فريق إبداعي بأفكارو وطاقاتو، وبالمناسبة حتّى يلي بيتخلّى عنك بهيك مرحلة بيدعمك وبيخليك تحس بإصرار أكبر لهيك شكراً كتير لكل الداعمين بمحبتهن وخبرتهن ومهنيتهن وأخلاق التعامل الراقية معهم.
بأيّ عمل كبير أو صغير، ما فيك تمشي فيه بدون دعم المحبين حولك، وبيختلف نوع كلمة "الدعم" باختلاف طريقة الدعم، في مين دعمنا بمشروع مينتس بالمحبة والصبر والنصيحة والثقة بإنو نعمل شي على قد طموحنا ويلي هنن أهلنا وعيلتنا أنا وسارة، وفي مين دعمنا مهنياً متل الأستاذ حسان الخطيب مؤسس شركة أورجوان للاستشارات والحلول البرمجية، وفي الأشخاص يلي عم يمشوا معنا من أول المشروع ويتحملوا عناء البداية متل ولاء خليل (بفريق التسويق) والفوتوغرافر علي ابراهيم وباقي فريق العمل يلي بيشكّل فريق إبداعي بأفكارو وطاقاتو، وبالمناسبة حتّى يلي بيتخلّى عنك بهيك مرحلة بيدعمك وبيخليك تحس بإصرار أكبر لهيك شكراً كتير لكل الداعمين بمحبتهن وخبرتهن ومهنيتهن وأخلاق التعامل الراقية معهم.
3- أين ترى بتول مشروع Mints في السنوات القليلة القادمة ؟ وما هي أفكارك لتطوير العمل هل هناك شي ترغبين بإطلاع المجتمع عليه ؟=============================================
بصراحة، Mints بيشبه كتير الصورة يلي بيطلع فيها على طول باللون الأخضر (لوغو مينتس)، لأنو مشروع متجدد وحيوي وقابل للتطوير، وبدون أدنى شك عنا -أنا وسارة- خطط استراتيجية عم نشتغل عليها لتطوير المشروع ويكون مفيد للمجتمع ويضيف لمسة من مزيج منحلم فيه كلنا -التسويق الفعال والتصميم الإبداعي والتقنية العالية- لهيك خلّوكن أصدقاء مينتس لتعرفو مفاجآتنا لقدام ..
بصراحة، Mints بيشبه كتير الصورة يلي بيطلع فيها على طول باللون الأخضر (لوغو مينتس)، لأنو مشروع متجدد وحيوي وقابل للتطوير، وبدون أدنى شك عنا -أنا وسارة- خطط استراتيجية عم نشتغل عليها لتطوير المشروع ويكون مفيد للمجتمع ويضيف لمسة من مزيج منحلم فيه كلنا -التسويق الفعال والتصميم الإبداعي والتقنية العالية- لهيك خلّوكن أصدقاء مينتس لتعرفو مفاجآتنا لقدام ..
4- في ختام مقابلتنا شو بتحبي تقولي لكل الناس يلي عم تشوف المقابلة على صفحتنا " راديو الاقتصاديين " ؟================================================================
عندي إصرار كبير بإنو شد على إيد كل شخص عندو حلمو الخاص وفكرتو ومشروعو وطموحو.. هاد الحلم -ومهما حسيتو بعيد- ممكن يكون قريب مسافة صبر وحدة أو مسافة جهد وتعب لمدة معينة، لهيك ما تتخلى عن حلمك.. ما توقّف عند مشكلة (ما معي رأسمال) لأن أعظم المشاريع بلشت برأس مال يلي هو خرجيتك من أهلك، ما توقفي ، عندي فكرة (أنا بنت ليش ليكون عندي مشروعي!) لأن كينونتك بتكمل لما تحققي حلمك، ما توقفو عند مشاكل من نوع (ماعندي مكان للشغل، ماعندي موارد للخبرة،....الخ) كل شي وقت تصرّ عليه رح ينخلق مشانك وبإيدك ويخدمك ويكون معك... وبنفس الوقت ما بدي جمّل القصة بشكل نظري.. على قدر فرحة النجاح حتى لو تخللها فشل - وهاد شي أكيد- رح يكون في تعب وجهد كبير عم ينبذل بالمقابل...
بالتوفيق لكل شخص عندو هيدا النَفَس ولكل شخص بانتظار هيك أمل ليصير عندو هيك نَفَس.. وكل الشكر لمبادرة راديو الاقتصاديين على هاللفتة الإيجابية والمفيدة والمميزة..
*****************************************************
بدورنا منحب نشكر بتول و كل المتابعين و منأيد بتول بكلامها ، فالإرادة منتصف الطريق ، إذا كنتو بتحبوا اولاد بلدكم ادعموهن ومنن بتول ادعموا بتول وشاركوا صفحتها و تابعوها- ( الرابط في نهاية المقابلة ) - و تعاملوا مع شركتها كزبائن وعملاء لما بتحتاجوا لا تتجهوا ع الشخص الأشهر ، لطالما كان هناك الكثير من الإبداع في مكان ما لم يكتشفه أحد أو في بداية انطلاقته …. أعزائنا وزملائنا كل الشكر والتوفيق و المحبة لكم من فريق عمل راديو الاقتصاديين كان معكم " حسين هندي " في التقديم و الإعداد …….. إلى اللقاء في حلقة جديدة مع مبدعين ورواد جدد كل أربعاء 7 المسا بتوقيت دمشق
Batoul Ghadeer , Hussain Hendi , Economists Radio , MINTS Creative Agency
https://www.facebook.com/profile.php…
عندي إصرار كبير بإنو شد على إيد كل شخص عندو حلمو الخاص وفكرتو ومشروعو وطموحو.. هاد الحلم -ومهما حسيتو بعيد- ممكن يكون قريب مسافة صبر وحدة أو مسافة جهد وتعب لمدة معينة، لهيك ما تتخلى عن حلمك.. ما توقّف عند مشكلة (ما معي رأسمال) لأن أعظم المشاريع بلشت برأس مال يلي هو خرجيتك من أهلك، ما توقفي ، عندي فكرة (أنا بنت ليش ليكون عندي مشروعي!) لأن كينونتك بتكمل لما تحققي حلمك، ما توقفو عند مشاكل من نوع (ماعندي مكان للشغل، ماعندي موارد للخبرة،....الخ) كل شي وقت تصرّ عليه رح ينخلق مشانك وبإيدك ويخدمك ويكون معك... وبنفس الوقت ما بدي جمّل القصة بشكل نظري.. على قدر فرحة النجاح حتى لو تخللها فشل - وهاد شي أكيد- رح يكون في تعب وجهد كبير عم ينبذل بالمقابل...
بالتوفيق لكل شخص عندو هيدا النَفَس ولكل شخص بانتظار هيك أمل ليصير عندو هيك نَفَس.. وكل الشكر لمبادرة راديو الاقتصاديين على هاللفتة الإيجابية والمفيدة والمميزة..
*****************************************************
بدورنا منحب نشكر بتول و كل المتابعين و منأيد بتول بكلامها ، فالإرادة منتصف الطريق ، إذا كنتو بتحبوا اولاد بلدكم ادعموهن ومنن بتول ادعموا بتول وشاركوا صفحتها و تابعوها- ( الرابط في نهاية المقابلة ) - و تعاملوا مع شركتها كزبائن وعملاء لما بتحتاجوا لا تتجهوا ع الشخص الأشهر ، لطالما كان هناك الكثير من الإبداع في مكان ما لم يكتشفه أحد أو في بداية انطلاقته …. أعزائنا وزملائنا كل الشكر والتوفيق و المحبة لكم من فريق عمل راديو الاقتصاديين كان معكم " حسين هندي " في التقديم و الإعداد …….. إلى اللقاء في حلقة جديدة مع مبدعين ورواد جدد كل أربعاء 7 المسا بتوقيت دمشق
Batoul Ghadeer , Hussain Hendi , Economists Radio , MINTS Creative Agency
https://www.facebook.com/profile.php…
الفريق الإعلامي الصحافة و الإعلان جامعات سوريا
تعليقات
إرسال تعليق